Буйнейшае аб’яднанне журналістаў у Еўропе назвала суд над Шчыраковай непрымальным

2023-07-28 11:10

Учора пачаўся суд над былой журналісткай з Гомеля Ларысай Шчыраковай. У Twitter Еўрапейская федэрацыя журналістаў (European Federation of Journalists) назвала яе затрыманне і працэс непрымальнымі.

— Шчыраковай пагражае да 7 гадоў зняволення па сфабрыкаванаму абвінавачванню, — нагадала федэрацыя.

Там адзначылі, што цяпер больш за 30 журналістаў у Беларусі знаходзяцца за кратамі.

Таксама федэрацыя заклікала далучыцца да анлайн-марафона салідарнасці «Нам не ўсё адно!», які пройдзе ў суботу, 29 ліпеня. Нагадаем, сабраныя грошы будуць накіраваны палітвязням і іх родным. У мерапрыемствы будуць удзельнічаць больш за 20 незалежных СМІ. БАЖ таксама далучыцца да акцыі.

— Журналістыка не злачынства! — адзначылі ў твіце прадстаўнікі EFJ.

Крыніца: Беларуская асацыяцыя журналістаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк