- Kamunikat.org
- Бібліятэка
- Кнігазборы
- Калекцыі
- Іншае
Агульнаадукацыйны ліцэй з беларускай мовай навучання імя Браніслава Тарашкевіча ў Бельску-Падляшскім паўстаў у верасні 1944 г. як чатырох-гадовая Дзяржаўная гімназія і двухгадовы Дзяржаўны беларускі ліцэй. Першым яе дырэктарам быў мгр Анатоль Тымінскі. Школа змяшчалася ў скромных драўляных будынках пры вул. 3 Мая 12 і Касцюшкі 18. Урокі адбываліся пасля абеду ў вельмі цяжкіх умовах. Меблю для школы прыдбалі бацькі. У жыцці гімназіі вялікую ролю адыграў Бацькоўскі камітэт, „які падтрымліваў матэрыяльна настаўнікаў, памагаў бедным вучням, а ў крытычныя хвіліны заўсёды знаходзіў нейкі выхад”. У першым годзе існавання школы было 8 аддзелаў і звыш 200 вучняў, працавалі 19 настаўнікаў. (Зінаіда Навіцкая, Летапіс ІІ Бельскага ліцэя фрагмент)