Незалежнасць

Дзеяч беларускага нацыянальнага дзяржаўнага адраджэння, вучоны, публіцыст Аркадзь Смоліч нарадзіўся 29 верасня 1891 года ў вёсцы Бацэвічы Бабруйскага павета (цяпер Клічаўскі раён). Скончыў Мінскую духоўную семінарыю (1905), Нова-Аляксандраўскі інстытут сельскай гаспадаркі і лесаводства ў Пулавах (Польшча, 1916), вучыўся ў Кіеўскім політэхнічным інстытуце. Адзін з ініцыятараў абвяшчэння Беларускай Народнай Рэспублікі (БНР), народны сакратар асветы ў першым яе ўрадзе. Пасля распаду БСГ арганізаваў Беларускую сацыял-дэмакратычную партыю. З 1922 года — у Мінску. Займаў розныя кіруючыя пасады, займаўся навуковай дзейнасцю. У 1924 годзе пад яго кіраўніцтвам быў створаны часопіс «Плуг» для сельскіх гаспадароў і Цэнтральнае бюро краязнаўства. У 1927 годзе яму было прысвоена званне прафесара. Удзельнічаў у стварэнні на базе Інбелькульта Акадэміі навук Беларусі. Выступаў у друку з навуковымі даследаваннямі і публіцыстычнымі артыкуламі. У 1930 годзе быў арыштаваны ДПУ па справе «Саюза вызвалення Беларусі» і высланы ў Сібір. У 1937 годзе яго арыштавалі паўторна і прыгаварылі да вышэйшай меры пакарання. 10 чэрвеня 1938 года 46-гадовы А. Смоліч быў расстраляны.


        Увесь твор у адным файле

• Месца выхаду: Беласток
• Дата выхаду: 2019
• Выдавец: Беларуская Інтэрнэт Бібліятэка Kamunikat.org
• Катэгорыя: Палітыка
• Copyright: © 2019 by Kamunikat.org - ePub
• Кнігазбор: Kamunikat.org
• Дадатковая даведка: Упершыню — газ. «Беларускі звон», 3 красавіка 1921 г., № 2, падпісаны ініцыяламі Л. Б. (поўны псеўданім А. Смоліча — Л. Будзіловіч) Друкуецца паводле час. «Спадчына», 1997, № 2.