Сабачыя гісторыі

«Сабачыя гісторыі» нарадзіліся летам 1996 года ў Доме творчасці «Іслач», куды я прыехаў з жонкай Людмілай Рублеўскай і дзецьмі – сямігадовай Веранікай і трохгадовым Максімам. Адпачываючы, думаў пра вершы, але нешта не пісалася. Да вяртання ў горад заставалася некалькі дзён і тут мне прыйшло ў галаву напісаць што-небудзь вясёлае. Напісаў, і ў час абеда ў сталоўцы зачытаў сваім родным. Усе засмяяліся, а Максім майго галоўнага героя-дзядзьку назваў Гражданом. Чаму ён так яго назваў? Не ведаю. Тут жа я ўспомніў дзівака з суседняй вёскі, якога добра ведаў і якога ўсе звалі Гражданом, і я, доўга не думаючы, свайму герою-дзядзьку даў імя Граждан… Усе «Сабачыя гісторыі», якія ў гэтай кніжцы, у свой час друкаваліся ў «Нашай Ніве», і цяпер яны падаюцца ў той паслядоўнасці і рэдакцыі, як былі ў штотыднёвіку. В. Ш.

• Месца выхаду: Мінск
• Дата выхаду: 2013
• Рэдактар: Рублеўская Л. І.
• Памеры: 102 с.
• Катэгорыя: Мастацкая літаратура
• Copyright: © 2013 by Віктар Шніп
• Кнігазбор: Kamunikat.org