Моўныя курсы пры Інстытуце мовазнаўства

Моўныя курсы пры Інстытуце мовазнаўства


Беларуская мова становіцца мовай не толькі акадэмічнай гуманітарнай сферы, але і сферы дакладных навук.

Распавядае Настасся Марозава – старшыня Савета маладых вучоных Інстытута мовазнаўства імя Якуба Коласа.

– Ёсць станоўчыя прыклады абароны, напісання не толькі магістарскіх, курсавых прац, кандыдацкіх, нават доктарскіх у такіх галінах ведаў, як парашковая металургія, інфарматыка, вышэйшая матэматыка, фізіка-тэхнічныя дысцыпліны. Гэтыя працы пісаліся, пішуцца. І чым большым будзе кола такіх прац, чым большым будзе досвед у напісанні прац па-беларуску, тым больш проста будзе ісці наступнікам па ўжо гэтай торнай дарозе.

Для тых, хто імкнецца выкарыстоўваць беларускую мову ў акадэмічнай сферы, штотыдня пры Інстытуце мовазнаўства Нацыянальнай акадэміі навук праходзяць адмысловыя курсы.

Максім Каўняровіч, Беларускае Радыё Рацыя, Менск

Фота аўтара

Крыніца: Беларускае Радыё Рацыя