Палякі ў Беларусі рыхтуюцца да сьвяткаваньня незалежнасьці

Палякі ў Беларусі рыхтуюцца да сьвяткаваньня незалежнасьці


Сёлета Польшча адзначае 100 гадавіну аднаўленьня незалежнасьці Польшчы.

Сьвяточныя ўрачыстасьці пройдуць у Польшчы ды ў многіх краінах сьвету, асабліва там, дзе жывуць палякі. У Беларусі таксама жывуць палякі, яны будуць адзначаць сваёй нацыянальнае сьвята.

У лістападзе 1918-га года была адноўлена незалежнасьць Польшчы. Сёлета ў 100-ю гадавіну тых падзей Польшча ды палякі ва ўсім сьвеце згадваюць тыя падзеі. Польская дзяржава ў гэты год ладзіць адмысловую акцыю 100 год Незалежнасьці.

Сьвята незалежнасьці – гэта ня толькі дзяржаўныя ўрачыстасьці. Гэта ў першую чаргу людзі, якія цешацца, вывешваюць сьцягі і паказваюць, што ганарацца дасягненьнямі сваёй Айчыны, сваёй прыналежнасьцю да польскага народа.

Шырока да сьвяткаваньня 100-годзьдзя аднаўленьня незалежнасьці Польшчы далучыліся таксама і палякі, якія жывуць у Беларусі. Увесь год ладзяцца адмысловыя мерапрыемствы, а 11 лістапада адбудзецца ўрачыстая імша ды сьвяточны канцэрт.

Больш падрабязна пра тое, як палякі ў Беларусі адзначаюць стагодзьдзе незалежнасьці Польшчы мы размаўляем за старшынёю Саюза палякаў Беларусі Анжэлікай Борыс.

Слухайце размову ў гукавым файле

Размаўляў Юры Ліхтаровіч

Крыніца: Беларуская служба Польскага радыё