Анатоль Мышкевіч: Улады хаваюць інфармацыю

Анатоль Мышкевіч: Улады хаваюць інфармацыю


Грамадскі актывіст Анатоль Мышкевіч звярнуўся ў гарадскі Савет народных дэпутатаў з прапановай весці анлайн-трансляцыі пасяджэнняў Савета народных дэпутатаў.

Пра сваю ініцыятыву распавядае Анатоль Мышкевіч:

– Артыкул 34 гарантуе ўсім грамадзянам Рэспублікі Беларусь права на атрыманне і захоўванне інфармацыі пра дзейнасць дзяржаўных органаў. Я звярнуўся да старшыні гарадзенскага гарвыканкама і старшыні гарадзенскага Савета дэпутатаў з просьбай арганізаваць онлайн-трансляцыі пасяджэнняў, а таксама, каб запісы гэтых пасяджэнняў захоўваліся ў адкрытым доступе на сайце гарвыканкама.

На думку Анатоля Мышкевіча, гарадскія ўлады хаваюць інфармацыю:

– Гэта ўсё павінна быць адкрыта. У Беларусі гэта ўсё вельмі схавана, зроблена так, каб людзі пра гэта нічога не ведалі. Мяне гэта не задавальняе, я думаю так жа, як і многія жыхары нашага горада і краіны.

Адказ на зварот актывіста гарадскія ўлады павінны даць цягам бліжэйшага тыдня.

Беларускае Радыё Рацыя, Гародня

Крыніца: Беларускае Радыё Рацыя