be
pdf

Гасцінец 18 (115) 2010

Інфармацыйная культурна-грамадская газета Гарадоччыны

"Ужо прагаласавалі". Выбарчая кампанія за­вяршыла свой істотны этап – збор подпісаў за вылучэнне кандыдатаў. Для імітацыі выбараў гэты этап не мае істотнага значэння. Бо на выхадзе з кампаніі пратаколы напішуць камісіі, складзеныя з “кампетэнтных” членаў, якія прайшлі праз сіта выканаўчай улады. Але ж з улікам раздраю сярод апазіцыйных груп, калі амаль ад кожнай партыйнай гру­пы быў вылучаны прадстаўнік, ўлады атрымалі самы шырокі манеўр для працы з сабранымі подпісамі. Каго рэгістраваць, а каго не рэгістраваць -- магчыма вырашыць самым “дэмакратыч­ным” шляхам. Але гэта толькі невялікі штрых у гульні, якую вя­дуць улады з сусветнай суполь­насцю, каб на Усходзе і Захадзе прызналі выбарамі дадзеную імітацыю. Пад час збору подпісаў на­менклатурныя зборшчыкі за Рыгоравіча таксама вырашаюць і такую задачу. Гэта задача – пе­ракананне выбаршчыка ў тым, што подпіс з’яўляецца канчат­ковым выбарам на карысць дзейнага кіраўніка краіны. Мол, паставілі подпіс за Рыгоравіча – значыць прагаласавалі. Нашы грамадзяне, якія “сарбонаў” не заканчвалі, часам на чыстую веру прымаюць такія перлы наменклатурных чыноўнікаў: начальнікаў аддзелаў, кіраўнікоў прадпрыемстваў, прадстаўнікоў вертыкалі. І для такіх намен­клатурных чыноўнікаў словы кіраўніка краіны аб тым, што грамадзяне могуць падпісвацца за ўсіх прэтэндэнтаў, нічога не значаць.

Каталёг: Kamunikat.org
Пэрыёдыка: Гасцінец
  • Месца выхаду: Гарадок
  • Дата выхаду: 2010-10
  • Рэдактар: Гаравы Леанід
  • Copyright: © 2007-2010 by Гасцінец
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org