be
pdf

Газета Слонімская 42 (749) 2011

На мінулым тыдні 8 кастрычніка слонімскія грамадскія актывісты сабраліся ў 13 гадзін у гарадскім парку, каб правесці Народны сход. На яго былі запрошаны не толькі шараговыя слонімцы. Лісты з запрашэннямі для ўдзелу ў ім былі дасланы кіраўніцтву раёна, у міліцыю, пракуратуру, суд. У прызначаны час паціху пачалі падыходзіць людзі. Але да месца акцыі прыйшло больш супрацоўнікаў РАУС, пераапранутых ў цывільную вопратку, чым грамадзян. Міліцыянты стаялі ля ўваходу ў парк. Так, дзвюх пажылых жанчын, якія накіраваліся ў бок месца збору, адзін з супрацоўнікаў РАУС папярэдзіў, што фантан замініраваны, і накіраваў кабетаў у іншы бок. Тым часам актывісты сабраліся ў цэнтры парку, ля фантана, дзе змясцілі плакат са словамі беларускага паэта Я.Купалы: “На сход, на ўсенародны, грозны, бурны сход, ідзі, аграблены, закованы народ”. Калі крыху людзей сабралася, арганізатары акцыі хацелі пачаць мерапрыемства. У гэты час да іх падышлі міліцыянты і пачалі забараняць яго правядзенне. Яны патрабавалі разысціся, так як народны сход, па іх меркаваннях, праводзіцца незаконна. Аднак актывісты настойвалі на тым, што народныя сходы не падпадаюць пад дзеянне Закона аб масавых мерапрыемствах.

Каталёг: Kamunikat.org
Пэрыёдыка: Газета Слонімская
Выдаўцы і выдавецтвы: УП Газета Слонімская
  • Месца выхаду: Слонім
  • Дата выхаду: 2011-10-12
  • Рэдактар: Валадашчук Віктар
  • Выдавец: УП Газета Слонімская
  • Copyright: © 2011 by Газета Слонімская
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org