be
pdf

Сьвітанак 11 (79) 2009

Незалежная газета Шуміліншчыны

На тое яны і абяцанкі, каб іх не выконваць. Напрыканцы чэрвеня ў аграгарадок Амбросавічы завітаў адзін з кіраўнікоў вы­шэйшых эшалонаў прэзідэнцкай вертыкалі – дэпутат Палаты прадстаўнікоў Нацыяналь­нага сходу Рэспублікі Беларусь па Віцебскай сельскай акрузе № 21 Васіль Міхайлавіч Байкоў. У сельскім Доме культуры адбылася сустрэча дэпутата з выбаршчыкамі. У клуб былі запрошаны кіраўнік сельгаспрадпрыем­ства СВК “Прыазёрны” В. В. Юхнавец, намеснік старшыні райвыканкама А. М. Мядзвецкі, дэ­путат Дабейскага сельсавета М. П. Ліскоў, рэ­дактар раённай газеты “Герой Працы” Аліна Пятрова. Галоўным пытаннем, якое набалела не толькі выбаршчыкам, але і раённым ула­дам, была праблема ацяплення шматпавяр­ховых дамоў у вёсцы Амбросавічы. Гэтыя дамы дзесяць гадоў таму належалі калгасу, былі падключаны да калгаснай кацельнай. Калі калгас па-сутнасці разваліўся і трапіў пад узбуйненне, дамы перадалі на баланс УП ЖКГ. Кацельня на той час ужо прыйшла ў заняпад, а грошай на яе рэканструкцыю не выдзелілі. Тады мясцовая адміністрацыя не прыдумала нічога лепшага, як дазволіць жыхарам шмат­павярховак будаваць ў кватэрах грубкі. Людзі, каб не замерзнуць, пачалі ратавацца ад хола­ду. Будавалі з цэглы грубкі: ламалі ў кватэрах сцены, прабівалі столь - трэба ж было некуды выводзіць дым. Але такое ацяпленне аказала­ся малаэфектыўным: колькі дроў не спальвай, усё роўна вышэй 12-14 градусаў тэмпера­тура ў кватэры не падымалася – дом стары, панэльнага тыпу, складзены яшчэ ў пачатку 80-х гадоў.

Каталёг: Kamunikat.org
Пэрыёдыка: Сьвітанак
  • Месца выхаду: п/а Амбросавічы, Шумілінскі раён
  • Дата выхаду: 2009-07
  • Рэдактар: Шчамлёў Аляксандр
  • Copyright: © 2008-2010 by Сьвітанак
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org