Народная Воля 165-166

Лявон Баршчэўскі супраць Аляксандра Лукашэнкі? Не толькі сябры Партыі БНФ гатовы падтрымаць Лявона Баршчэўскага на будучых прэзідэнцкіх выбарах. З фарматам свайго ўдзелу ў будучай прэзідэнцкай кампаніі сябры Партыі БНФ вызначацца на з’ездзе, які пройдзе будучай вясной. Але ўжо зараз некаторыя партыйцы ведаюць, на каго зробяць стаўку. Адным з магчымых прэтэндэнтаў у кандыдаты можа быць экс-старшыня партыі Лявон БАРШЧЭЎСКІ. Нагадаем, што на апошнім справаздачна-выбарным з’ездзе Партыі БНФ каманда Лявона Баршчэўскага саступіла кіраўніцтва камандзе Аляксея Янукевіча. Тады адным з разыходжанняў у праграме двух кандыдатаў быў менавіта фармат удзелу ў прэзідэнцкай кампаніі. Лявон Баршчэўскі выступаў за тое, каб Партыя БНФ шчыльна супрацоўнічала з Аб’яднанымі дэмакратычнымі сіламі і ўдзельнічала ў працэдуры вылучэння адзінага кандыдата ад АДС, а ў Аляксея Янукевіча было сваё меркаванне.

• Месца выхаду: Мінск
• Дата выхаду: 2009-10-23
• Рэдактар: Сярэдзіч Іосіф
• Выдавец: УК Народная Воля
• Copyright: © 2009 by Народная Воля
• Кнігазбор: Kamunikat.org