be
pdf

Народная Воля 169-170

У Магілёве трэці год існуе адзіны ў горадзе беларускамоўны клас. Паўтара года ў ім вучылася трое дзетак. Цяпер засталася толькі адна вучаніца — Ялінка Салаўёва. Бацькі шукаюць ёй аднакласнікаў. Пошукі, аднак, плёну не даюць. Бацькоў, што жадаюць аддаць дзяцей у малакамплектны клас, у горадзе няма. За плячыма Ялінкі Салаўёвай — беларускамоўная група ў дзіцячым садку. Яе адкрыцця, як і класа ў сярэдняй школе №1, дамагліся бацькі. У садкоўскай групе дзетак было шасцёра, а вось у беларускамоўны клас бацькі аддалі толькі Ялінку. Пасля года вучобы ў самоце да яе далучыліся яшчэ двое дзетак, брат і сястра, аднак праблемы ў сям’і вымусілі бацькоў іх з класа забраць. Палову мінулага навучальнага года і пачатак гэтага Ялінка вучыцца па-беларуску зноў адна. “Я разумею, калі яна адна, то ёй больш увагі, індывідуальны падыход. Але, з другога боку, я клапачуся пра яе сацыяльны, псіхалагічны стан, каб ёй было камфортна. Я за тое, каб было дзетак больш. У нас ужо 3-і клас, і нам асабліва няма на што разлічваць, але ўсё адно хочацца, каб у ім было хаця б больш за адну Ялінку. Два вучні — было б добра”, — разважае маці вучаніцы Надзея Салаўёва.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2012-10-31
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2012 by Народная Воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org