be
pdf

Крывінка 2 (64) 2010

інфармацыйна-культурная газета Бешанковіцкага раёна

Надзённае пытанне. Я з’яўляюся дэпутатам раённага савета па Пушкінскай выбарчай акрузе №12. Даўно пра­жываю ў Бешанковічах, працаваў тут на роз­ных пасадах, ведаю ў твар большасць сталых жыхароў. Пры сустрэчах яны заўсёды дзеляц­ца сваімі праблемамі, ставяць пытанні, многія з якіх не вырашаюцца доўгі час. Адным з такіх вострых пытанняў з’яўляецца рэканструкцыя водаадводных канаў ва ўсходняй частцы гарадскога пасёлка паміж вуліцамі Урыцкага і Чарняхоўскага. Звычайна з вясны да позняй восені прыдарожныя кана­вы ў гэтай частцы Бешанковіч запоўнены, а то і перапоўнены вадой. Вадой падыходзяць як гаспадарчыя пабудовы, так і жылыя будынкі. У многіх дамах амаль круглы год стаіць вада. Калі ж год выдаецца багаты на атмасферныя ападкі, то некаторыя сядзібы літаральна адра­заюцца ад ўсяго света. Можна дадаць, што на прысядзібных участках у такіх гаспадароў усё пасеянае прападае. Прыходзіцца закупліваць бульбу і іншую гародніну. Нягледзечы на тое, што ў мінулым годзе з боку бешанковіцкага “Камунальніка” некато­рыя спробы рамонту існуючай водаадводнай сістэмы былі, у цэлым праблема застаецца даволі вострай. Вялікіх затрат для правядзен­ня рамонтных работ не трэба. Неабходна прайсці ўсю водазліўную сістэму: паглыбіць ці падчысьціць дно канаў аж да водапрыёмніка.

Каталёг: Kamunikat.org
Пэрыёдыка: Крывінка
  • Месца выхаду: в. Старыя Ранчыцы, Бешанковіцкі раён
  • Дата выхаду: 2010-01
  • Рэдактар: Станкевіч Георгій
  • Copyright: © 2008-2010 by Крывінка
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org