be
pdf

Народная Воля 173-174

Як вядома, кандыдат у прэзідэнты на выбарах 2010 года, каардынатар грамадскай праграмы “Еўрапейская Беларусь” Андрэй Саннікаў у мінулым месяцы атрымаў палітычны прытулак у Вялікабрытаніі. У Беларусі засталася жонка палітыка Ірына Халіп, aсуджаная да двух гадоў пазбаўлення волі з адтэрміноўкай выканання прысуду, i пяцігадовы сын Данік. Пра матывы і прычыны ад’езду з краіны, пра свае бліжэйшыя планы і пра ацэнку сітуацыі ў Беларусі Андрэй Саннікаў гаворыць з Сяргеем Шупам. — Калі прыйшлі першыя паведамленні, што вы ў Лондане, у мас-медыя ўзнікла няяснасць: вы толькі папрасілі палітычнага прытулку ў Вялікабрытаніі ці ўжо яго атрымалі? — Прытулак я атрымаў. — Калі і як вы адчулі, што трэба з’язджаць з Беларусі? — Калі кожны дзень сутыкаўся з татальным сачэннем з боку спецслужбаў: праслухоўваліся кватэра, тэлефоны, камп’ютар, нават скайп. Трэба было вырашаць: ці заставацца і проста займацца асабістым жыццём, ці з’язджаць, каб працаваць. — У сваім першым лонданскім інтэрв’ю “Хартыі” вы адзначылі, што ваша рашэнне дапаможа рэальнаму вызваленню вашых “жонкі і сына, якія знаходзяцца ў закладніках у рэжыму Лукашэнкі”. Чым ваш выезд можа ім дапамагчы?

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2012-11-08
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2012 by Народная Воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org