be
pdf

Народная Воля 17-18

Не выключана, што хутка ў Беларусі пачнуцца суды над удзельнікамі “масавых беспарадкаў” і “змоўшчыкамі”, што планавалі правесці 19 снежня 2010 г. “дзяржаўны пераварот”. Тут маё аўтарскае двукоссе мае двайную функцыю: як цытацыя дзяржаўных медыяў і як сродак іранічнай метафары. Для маладзейшых чытачоў патлумачу сэнс загалоўка: 27 лютага 1933 г. у Берліне загарэўся рэйхстаг, будынак германскага парламента. Пажар быў кваліфікаваны як падпал. На месцы злачынства быў схоплены грамадзянін Галандыі Марынус ван дэр Любэ, чалавек не вельмі адэкватны па стану здароўя, які паводле версіі нацыянал-сацыялістаў, быў звязаны з камуністычным рухам. Гэта дало нагоду нацыянал-сацыялістам абвінаваціць камуністаў у спробе гвалтоўнага захопу ўладных паўнамоцтваў, якія былі перададзены Гітлеру рэйхспрэзідэнтам Гіндэнбургам 30 студзеня 1933 г. Падпал рэйхстагу быў кваліфікаваны як сігнал для паўстання. На другі ж дзень пасля падпалу, 28 лютага, да ўсякага судовага разбіральніцтва Гітлер прымусіў Гіндэнбурга выдаць “Указ пра абарону народа і дзяржавы”, які фактычна скасоўваў усе грамадзянскія правы, закладзеныя ў Веймарскай Канстытуцыі. Пачаліся ператрусы, татальныя арышты камуністычных актывістаў, у тым ліку і дэпутатаў рэйхстагу, зачыняліся газеты нават сацыял-дэмакратычнай арыентацыі. Ван дэр Любэ быў асуджаны да смяротнага пакарання. Пазней гісторыкі бясспрэчна даказалі, што падпал быў арганізаваны нацыстамі, каб расправіцца з камуністамі перад выбарамі ў рэйхстаг.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2011-02-04
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2011 by Народная Воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org