be
pdf

Народная Воля 63 (4418) 2019

Вядомы вучоны, даследчык сталінскіх рэпрэсій Ігар Кузняцоў атрымаў чарговы адмоўны адказ з пракуратуры на сваю скаргу з нагоды адмовы прыцягнуць да адказнасці за паклёп аўтара газеты «СБ. Беларусь сегодня» Андрэя Мукавозчыка. Аб гэтай скандальнай сітуацыі мы ўжо расказвалі. Сцісла нагадаем сутнасць справы. Яшчэ 17 красавіка на сайце «sb.by – Беларусь сегодня» з’явілася публікацыя Андрэя Мукавозчыка «Лжеисторики. Есть такие «историки», которые поневоле заставляют сомневаться, наука ли она – их история». Лжэгісторыкам аўтар назваў кандыдата гістарычных навук Ігара Кузняцова. Вучонага, безумоўна, гэты факт абурыў, і ён звярнуўся да галоўнага рэдактара выдання Д.Жука з просьбай абвергнуць распаўсюджаныя пра яго «клеветнические измышления». У гэтай просьбе яму было адмоўлена, але пазней дадзены артыкул быў выдалены з сеткавага выдання sb.by. Гісторыка такі адказ рэдакцыі на яго прэтэнзію не задаволіў, і ён звярнуўся ў пракуратуру Савецкага раёна Мінска з просьбай прыцягнуць А.Мукавозчыка да адказнасці за паклёп. Пракуратура перадала скаргу ў РАУС, адкуль Кузняцоў атрымаў адказ, які змясціўся ў адзін абзац, што падстаў для ўзбуджэння справы няма. Тады Кузняцоў паўторна звярнуўся ў раённую пракуратуру. На гэты раз яго скаргу перанакіравалі ў Галоўнае ўпраўленне ўнутраных спраў Мінгарвыканкама – вышэйшую інстанцыю, але там скаргу разглядаць не сталі, а спусцілі ніжэй, ізноў у РАУС Савецкага раёна. 21 ліпеня Кузняцоў атрымаў з міліцыі чарговую адмову.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2019-08-13
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2019 by Народная воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org