be
pdf

Народная Воля 79 (4434) 2019

Гродзенскі мастак, аматар гісторыі, чалавек з залатымі рукамі Сяргей РЫБАК (на фота справа) стварае побач з абласным цэнтрам музей з атмасферай часоў Антонія Тызенгаўза, найбольш вядомага і эфектыўнага рэфарматара, які некалі жыў на гэтых землях. Імя гродзенскага старасты Антонія Тызенгаўза, які ў другой палове ХVІІІ стагоддзя правёў значныя і паспяховыя эканамічныя рэформы на землях Гродзеншчыны, сёння вядома нават школьнікам. Праўда, памяць аб гэтым цікавейшым чалавеку ўвекавечана даволі сціпла: ёсць невялікая плошча ў гістарычнай частцы абласнога цэнтра, якая, дарэчы, будавалася пры ім. Яшчэ ў царскія часы ўдзячныя нашчадкі паставілі яму помнік у Фарным касцёле, што з’яўляецца незвычайнай рэдкасцю для храмаў. Больш за дзесяць гадоў таму мясцовы прадпрымальны доктар Павел Клімук наважыўся ўзяць ва ўласнасць адзін з разбураных маёнткаў часоў Тызенгаўза ў вёсцы Караліно Гродзенскага раёна, з тым каб аднавіць яго. Гэты маёнтак у 80-я гады ХVІІІ стагоддзя Тызенгаўз стварыў, так бы мовіць, у эксперыментальных мэтах: як узорна-паказальную гаспадарку для вырошчвання сельгаспрадукцыі ў прамысловых аб’ёмах. Рэформы ў сельскай гаспадарцы сведчылі пра правільна абраны шлях, але ж гісторыя спыніла іх: адбыліся тры падзелы Рэчы Паспалітай, і беларускія землі апынуліся ў складзе Расійскай імперыі. Далей – сусветныя войны, калектывізацыя, савецкая ўлада, калгасы... І на гэтым месцы напрыканцы ХХ стагоддзя засталіся толькі муры.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2019-10-08
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2019 by Народная воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org