be
pdf

Дзвінскі ўзгорак 15 (102) 2019

Грамадска-палiтычная газета Вiцебскага раёна

Заронаўскі сельскі Савет дэпутатаў жыве на юбілейнай хвалі. З нагоды яго 95-годдзя ў вёсцы Суйкава адбылося адкрыццё гістарычнага банера «Гістарычны атлас Заронаўскага краю». Ён усталяваны пры дарозе каля Суйкаўскай школы ў крокавай даступнасці для ўсіх цікаўных. На банеры пазначана шмат гістарычных аб’ектаў нашага краю: брацкія пахаванні, азёры, зніклыя помнікі. Сярод іх — заронаўская царква св. Ануфрыя, якая двойчы прымала працэсію з мошчамі нашай беларускай святой Ефрасінні Полацкай. Гэта было ў 1871 годзе і ў 1910 годзе пры пераносе поўнасцю мошчаў святой Ефрасінні. Працэсія ішла з Лужасна праз Пестуніцу. Прыпынялася ў многіх мясцінах. Паказаны амаль усе населеныя пункты, якія зніклі. Між іншым, падаюцца некалькі назваў, напрыклад, сёння значацца Палойнікі, а раней тут была Шлёпаўка, затым Матрасы. Можна прачытаць аб існаванні раней на нашай тэрыторыі вёскі Швейцарыя (каля Суйкава). Былі Замосце, Заполле, Навасёлкі, Шаркі, назвы якіх можна знайсці на карце Віцебскага раёна ў іншых сельсаветах. Быў у нас свой паселак Леніна, а таксама вёскі Зязюлі, Шэйкі, Вакзал, Барадзіны (Барадзіно). Адкуль з’явілася ідэя такога атласа? У Віцебскім раёне ствараецца краязнаўчы атлас, збіраецца інфармацыя па сельсаветах. Мы справіліся з заданнем і вырашылі на аснове сабраных звестак зрабіць банер, каб людзі ведалі сваё гістарычнае мінулае. Тэхнічную працу выканаў Станіслаў Нікіцін, захавальнік музейных экспанатаў музея «Гісторыя Заронаўскага краю».

Каталёг: Kamunikat.org
Пэрыёдыка: Дзвінскі ўзгорак
  • Месца выхаду: Віцебск
  • Дата выхаду: 2019-10
  • Рэдактар: Смолікаў Канстанцін
  • Copyright: © 2019 by Дзвінскі ўзгорак
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org