be
pdf

Народная Воля 76 (4534) 2020

Людзей, якія сабраліся ў сталіцы ля стэлы, спачатку адцяснілі сілавікі са шчытамі і дубінкамі. А потым у ход пусцілі вадамёты, якія распылялі ў бок пратэстоўцаў вадкасць іржавага колеру. Паводле слоў сведак, ад вадкасці заставаўся моцны непрыемны пах. Пры гэтым вадамёт працаваў не “прамой наводкай” – гэта значыць не шпурляў ваду наўпрост ва ўдзельнікаў пратэсту, як робіцца звычайна пры падаўленні. Струмень ішоў высока ўверх, па-над галовамі, як быццам сэнс быў у тым, каб накрыць максімальную колькасць людзей, адзначаў партал TUT.BY. Калі пачаліся затрыманні на праспекце Пераможцаў, нехта аддаў каманду вырубіць святло, таму ў тых, хто жыве ў раёне стэлы, знікла электрычнасць. Брутальныя затрыманні пратэстоўцаў адбываліся ва ўсіх кутках Мінска ажно ды глыбокай ночы. Не працавала станцыя метро “Няміга” – яе адкрылі каля поўначы. Каб разагнаць пратэстуючых, прымяняліся не толькі вадамёты, але і спецсродкі, у некаторых раёнах сталіцы чуліся стрэлы. Многім затрыманым была патрэбна медыцынская дапамога. Прычым АМАП і іншыя падраздзяленні працавалі надзвычай жорстка, быццам бы ім нехта сапраўды аддаў каманду “Фас!”… Дарэчы, у цэнтры Мінска людзьмі з дубінкамі камандаваў начальнік ГУБАЗіК Мікалай Карпянкоў, той самы, які раней размалаціў уваходныя дзверы ў адну з кавярань. Тысячы і тысячы беларусаў успрынялі інаўгурацыю А. Лукашэнкі як абразу – усім вядома, што вынікі прэзідэнцкіх выбараў брутальна сфальсіфікаваны.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2020-09-25
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2020 by Народная воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org