be
pdf

Ніва 44 (2581) 2005

тыднёвік беларусаў у Польшчы

Днямі ўпершыню ў жыцці пашчасціла патрапіць у Кіева-Пячорскую лаўру. Знаёмства з калыскай славянскага праваслаўя пакідае моцнае ўздзеянне на верніка кожнай канфесіі, а магчыма і на атэіста. Для беларусаў гэты унікальны праваслаўны манастыр цікавы яшчэ і тым, што ў ім — у Феадосіевай пячоры — цягам васьмі стагоддзяў захоўваліся мошчы святой Еўфрасінні Полацкай. Пры нагодзе некалькігадзіннага шпацыру па Кіеве безумоўна не час для глабальных і грунтоўных высноваў, але першасныя ўражанні таксама яскравыя. У параўнанні з сённяшнім Мінскам цяперашні Кіеў выйграе толькі адным — настроем людзей. У Мінску людзі пераважна панурыя, у Кіеве — куды весялейшыя. І гэта, мне падаецца, выразная адзнака і істотная розніца. А найбольшая прыемнасць — размаўляць у Кіеве па-беларуску. Распытваючы жыхароў украінскай сталіцы на сваёй мове, аніводнага разу не сутыкнуўся я з непаразуменнем — адны адказвалі па-ўкраінску, іншыя па-руску, але ніхто не выявіў рэакцыі здзіўлення ці незадавальнення. Быццам на Украіне адна з традыцыйных моў зносінаў — беларуская. (У. Хільмановіч, Пасля каляровай рэвалюцыі, фрагмэнт)

Каталёг: Kamunikat.org
Пэрыёдыка: Ніва
Выдаўцы і выдавецтвы: Праграмная рада тыднёвіка Ніва
  • Месца выхаду: Беласток
  • Дата выхаду: 2005-10-30
  • Рэдактар: Вапа Яўген
  • Выдавец: Праграмная рада тыднёвіка Ніва
  • Copyright: © 1999-2009 by Праграмная рада тыднёвіка Ніва
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org