Бывае, што адны і тыя ж людзі з’яўляюцца чытачамі ўсіх бібліятэк нараз.

… Ёсць яшчэ адна бібліятэка – КАМУНІКАТ. Бібліятэка бясплатная, не трэба плаціць, не трэба ісці, не трэба траціць час на тое, каб да яе дайсці. Можна адкрыць, але ёсць пэўная складанасць, бо з манітора, з экрана чытаць складаней, чым з папяровай кнігі. Магчыма, ёсць людзі, якія добра чытаюць з манітора, але мне лёгш чытаць папяровыя кніжкі. Але калі цікавяць мяне навінкі літаратурныя ці культурныя, публіцыстыка. Вельмі шмат там публіцыстыкі – і сучаснай і ранейшай. Шмат навуковых публікацыяў. Гэта добрая справа. Добрая справа асабліва для таго, хто шукае ведаў – для студэнтаў, для навукоўцаў і для простага аматара літаратуры. Калі нават складанасці з чытаннем з экрана, то прынамсі гэта інфармацыя, што і дзе з’явілася, дзе шукаць, што варта купіць, або пазычыць у традыцыйнай бібліятэцы, вельмі карысная. Вельмі добрая справа такая інтэрнэт-бібліятэка.

Была тут згадка пра беларускую інтэрнэт – бібліятэку Камунікат, бібліятэку, якую, насамрэч кожны мае ў хаце, дастаткова ўключыць кампутар. Пра яе пачаткі і пра тое, чаго можам чакаць у будучыні распытвала ў заснавальніка – Яраслава Іванюка.

- Пачаткі беларускай інтэрнэт-бібліятэкі КАМУНІКАТ – гэта 2000 год. Вырашыў зрабіць такую невялічкую старонку ў інтэрнэце, прысвечаную бюлетэню Беларускай Рэдакцыі Польскага Радыё для замежжа, Радыё Палонія, дзе некалькі гадоў працаваў, пазней рэдагаваў гэты ж бюлетэнь, які выходзіў у папяровым выглядзе, і вырашыў пераліць змест гэтага бюлетэню ў інтэрнэт (...)

Перадача поўнасьцю - слухайце ў файлі mp3.