У Мсціславе невядомыя зламыснікі пашкодзілі помнік першадрукару Пятру Мсціслаўцу, які быў устаноўлены 2 верасня падчас святкавання Дня беларускай пісьменнасці.

Спачатку з пастамента прапаў надпіс “Пётр” вагой каля 5 кілаграмаў, але ён быў знойдзены ля помніка. Зараз знік надпіс “Мсціславец”, які, як мяркуецца, важыў каля 10 кілаграмаў.

Паводле адной з версій, з-за таго што надпіс пафарбаваны бронзавай фарбай, выкрадальнікі маглі падумаць, што ён выраблены з гэтага каляровага металу, хаця насамрэч адліты з чыгуну. Раённая газета “Святло Кастрычніка” звярнулася да выкрадальнікаў з просьбай вярнуць частку помніка, якая не ўяўляе для іх матэрыяльнай каштоўнасці. („Заўвагі і тлумачэнні”, фрагмэнт)