Мітынг на Мангэтане

Усуботу 22 сакавіка каля штаб-кватэры Арганізацыі Аб’еднаных Нацыяў на Мангэтане (Першая Авэню пры 43-й вуліцы) адбыўся мітынг і дэманстрацыя, ладжаныя Нью-Ёрскім аддзелам БеларускаАмэрыканскага Задзіночаньня і Згуртаваньнем Беларускай Моладзі ў Амэрыцы ў знак салідарнасьці са змаганьне супраць дыктатуры на Бацькаўшчыне і ў гонар 90-х угодкаў абвешчаньня незалежнасьці Беларусі. Напачатку мітынга да прысутных зьвярнуўся старшыня аддзелу БАЗА сп. Віталь Зайка, які распавёў пра мэты акцыі, даў агляд апошніх падзеяў у Беларусі ў сьвятле гістарычнай рэтраспэктывы, а таксама даў інфармацыю пра дзейнасьць БАЗА для тых, хто першы раз прыйшоў на такога кшталту мітынг. Была зачытаная Трэцяя Ўстаўная грамата, якая стала Актам 25 сакавіка 1918 году.