Кнiга прысвечаная нацыянальнай рэлiквii беларускага народа — Крыжу святой Еўфрасiннi Полацкай.

На аснове шырокага кола гiстарычных крынiц i навуковай лiтаратуры аўтар апавядае пра стварэнне святынi i яе драматычны лёс у мiнулыя стагоддзi. Чытач даведаецца таксама пра загадкавае знiкненне Крыжа i яго пошукi ў наш час. Асобны раздзел знаёмiць з творчым подзвiгам беларускага майстра Мiколы Кузьмiча, якi ў гады адраджэння незалежнай Беларусi ўзнавiў вобраз Крыжа яе нябеснай заступнiцы.

Пададзеныя ў асноўным тэксце кнiгi вытрымкi з «Жыццяпiсу святой Еўфрасiннi Полацкай» могуць не супадаць з адпаведнымi мясцiнамi змешчанага ў кнiзе арыгiнала поўнага перакладу «Жыццяпiсу», паколькi У. Арлоў i А. Мельнiкаў карысталiся рознымi спiсамi гэтага лiтаратурнага помнiка.

Кнiга выдадзена па заказу Згуртавання беларусаў свету «Бацькаўшчына» на сродкi, ахвяраваныя пры арганiзацыйным спрыяннi сяброў Згуртавання генеральнага дырэктара акцыянернага таварыства «Сибдорсервис» (г. Сургут) Анатоля Сiлiвончыка i старшынi праў лення сумеснага прад прыемства «Мiжнародны цэнтр прадпрымальнiкаў беларускай дыяспары» Барыса Стука.