Дарагі Чытач!

Гэтую кніжку можна чытаць з пачатку, з канца i зь сярэдзіны — усё залежыць ад патрэбы.

Калі ты зусім ня ведаеш польскай мовы — чытай ад пачатку: там ёсьць альфабэт, правілы чытаньня, a потым ідуць тэматычныя разьдзелы, дзе словы аб'ядноўваюцца паводле значэньня. Асноўных тэматычных разьдзелаў 17 (усе яны пералічаныя на наступнай старонцы). Буйныя тэмы падзяляюцца на падразьдзелы, a тыя, у сваю чаргу, — на асобныя тэматычныя артыкулы. У кожнага артыкула свой нумар: ён пазначаны на палях шэрымі лічбамі. Усіх артыкулаў 1000. Словы, сабраныя пад адным нумарам, падзяляюцца на болын дробныя сэнсавыя падгрупы й пазначаюцца лацінскімі літарамі: а, b, с, d i гэтак далей.

Нумар артыкул a зь літарай сэнсавай падгрупы — гэта дакл адны адрас слова.

Калі ты ўжо крыху ведаеш мову й проста шукаеш незразумелыя словы, зазірні ў канец слоўніка. Там словы падаюцца ў альфабэтным парадку з указаньнем адрасу. Альфабэтных сьпісаў два — польскі й беларускі. Гэта зроблена для таго, каб ты мог, напрыклад, напісаць сябрам па-польску. Ведаючы беларускае слова, ты па нумары артыкула даведаесься, дзе шукаць яго польскі адпаведнік у першай, тэматычнай частцы кнігі. I наадварот, пачуўшы ці прачытаўшы невядомае польскае слова, ты праз альфабэтны сьпіс знойдзеш яго адрас i адшукаеш пераклад на беларускую мову.